អាម៉េរិកបញ្ជាក់ឡើងវិញពីការប្តេជ្ញាចិត្តបន្តធ្វើការជាមួយកម្ពុជា និងថៃ ដើម្បីគាំទ្រការអនុវត្តកិច្ចព្រមព្រៀងសន្តិភាពកូឡាឡាំពួ

ប្រមុខការទូតអាម៉េរិកក៏បានរំឭកឡើងវិញដែរថា នៅថ្ងៃនេះ (២៦ ខែតុលា) កាលពីមួយឆ្នាំមុន លោក ដូណាល់ ត្រាំ ប្រធានាធិបតីសហរដ្ឋអាម៉េរិក បាននាំកម្ពុជា និងថៃឱ្យមកជួបជុំគ្នា ដើម្បីចុះហត្ថលេខាលើ កិច្ចព្រមព្រៀងសន្តិភាពកូឡាឡាំពួរ (Kuala Lumpur Peace Accords) ដែលជាសមិទ្ធផលការទូតដ៏សំខាន់មួយ សម្រេចបានតាមរយៈការដឹកនាំប្រកបដោយភាពម៉ឺងម៉ាត់ និងការប្តេជ្ញាចិត្តចំពោះសន្តិភាពរបស់លោក។
កិច្ចព្រមព្រៀងនេះបានបង្ហាញពីអានុភាពនៃការទូតរបស់សហរដ្ឋអាម៉េរិក ក្នុងការដោះស្រាយជម្លោះ ព្រមទាំងបានចាក់គ្រឹះសម្រាប់សន្តិភាពរវាងកម្ពុជា និងថៃ។
សហរដ្ឋអាម៉េរិកនៅតែបន្តធ្វើការជាមួយភាគីទាំងពីរ ដើម្បីគាំទ្រការអនុវត្តកិច្ចព្រមព្រៀងនេះ និងជួយឱ្យក្តីសង្ឃឹមនៃសន្តិភាពយូរអង្វែង ក្លាយជាការពិតសម្រាប់ប្រជាជននៃប្រទេសទាំងពីរ។