#ធនាគារពិភពលោក

ធនាគារពិភពលោក នាពេលថ្មីៗនេះ បានព្រមានថា កំណើនសេដ្ឋកិច្ចជាមធ្យមប្រចាំឆ្នាំរបស់ប្រទេសថៃ នៅឆ្នាំនេះ និងឆ្នាំក្រោយ នឹងជួបប្រទះបញ្ហា ហើយបន្តធ្លាក់ចុះមកនៅក្រោម៣% ប្រសិនបើមិនមានការបង្កើននូវកំណើននៃការវិនិយោគសំខាន់ៗ និងផលិតភាពការងារទេនោះ។ ការអះអាងរបស់ធនាគារពិភពលោកនេះ គឺធ្វើឡើងក្រោយពេលដែលកំណើនសេដ្ឋកិច្ចថៃ កាលពីឆ្នាំ២០១៩ ត្រូវបានប៉ាន់ប្រមាណថាមានការថមថយសន្ទុះខ្លាំង មកនៅត្រឹម២,៥% ប៉ុណ្ណោះ ដែលធ្លាក់ចុះពី ៤,១% កាលពីឆ្នាំ២០១៨។