#លោក ដូណាល់ ត្រាំ

ក្រោយប្រកាសដំឡើងពន្ធ២៥% ដូចគ្នាលើការនាំចូលទំនិញពីប្រទេសកាណាដា និងម៉ិកស៊ិក និង១០% លើទំនិញនាំចូលពីចិន លោក ដូណាល់ ត្រាំ ប្រធានាធិបតីអាម៉េរិក បានលើកឡើងថា នៅដំណាក់កាលនេះប្រជាជនអាម៉េរិក អាចនឹងមានអារម្មណ៍ឈឺចាប់បន្តិចហើយ ប៉ុន្តែសហរដ្ឋអាម៉េរិក ត្រូវតែធ្វើព្រោះប្រទេសទាំង៣ បានធ្វើឱ្យអាម៉េរិកខាតបង់ច្រើនណាស់ ដូច្នេះប្រទេសទាំង៣នេះត្រូវតែសងការខូចខាតនេះ។ ក្រោយការប្រកាសដាក់ពន្ធគយរបស់លោក ត្រាំ ប្រទេសកាណាដា ម៉ិកស៊ិក និងចិនមិនបាននៅស្ងៀមឡើយ ដោយគ្រោងចាត់វិធានការមួយចំនួន ដើម្បីឆ្លើយតបនឹងបញ្ហានេះ។