#តម្លៃប្រេងឥន្ធនៈ

ស្របពេលតម្លៃប្រេងឥន្ធនៈនៅលើទីផ្សារអន្តរជាតិ ចាប់ផ្ដើមមានសញ្ញាថមថយ តម្លៃប្រេងឥន្ធនៈលក់រាយនៅកម្ពុជា ក៏បានរអិលចុះមកនៅត្រឹម៤,៩៥០រៀលសម្រាប់សាំងធម្មតា និង៥,៧០០រៀលសម្រាប់ប្រេងម៉ាស៊ូត។ ទោះជាយ៉ាងនេះក្ដី ក្រុមអ្នកជំនាញមើលឃើញថា ការវិលត្រឡប់ទៅរកតម្លៃទាបដូចកាលពីមុនក្រោម៤,០០០រៀលក្នុង១លីត្រ នៅតែជារឿងមិនទាន់អាចទៅរួច ដ្បិតស្ថានភាពនៅច្រកសមុទ្រហ័រម៉ូសនៅតែស្ថិតក្នុងភាពផុយស្រួយ។ ប៉ុន្តែការធ្លាក់ចុះនាពេលនេះត្រូវបានអ្នកជំនាញចាត់ទុកថា ជាដង្ហើមដ៏សំខាន់មួយក្នុងការជួយសម្រាលការចំណាយរបស់ពលរដ្ឋ និងរុញច្រានសេដ្ឋកិច្ចជាតិ។