#ឧបនាយករដ្ឋមន្ត្រីប្រចាំការ វង្សី វិស្សុត

ភ្នំពេញ៖ នៅព្រឹកថ្ងៃទី៩ ខែកញ្ញា ឆ្នាំ២០២៤ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងប្រធានគណៈកម្មាធិការដឹកនាំការកែទម្រង់ច្បាប់ បានអញ្ជើញដឹកនាំកិច្ចប្រជុំសាមញ្ញលើកទី១របស់គណៈកម្មាធិការដឹកនាំការកែទម្រង់ច្បាប់ (គ.ក.ច) ដើម្បីប្រមូលធាតុចូលក្នុងការរៀបចំទស្សនាទាននៃការរៀបចំការកែទម្រង់ច្បាប់ ក៏ដូចជាផ្លាស់ប្តូរទស្សនៈ និងមតិយោបល់លើការរៀបចំក្របខណ្ឌយុទ្ធសាស្ត្រនៃកម្មវិធីកែទម្រង់ច្បាប់របស់រាជរដ្ឋាភិបាល។