#វិស័យ SME

វិស័យសហគ្រាសធុនតូច និងមធ្យម (SME) នៅកម្ពុជា បង្ហាញពីសម្ទុះរីកចម្រើនគួរឱ្យកត់សម្គាល់នៅមួយរយៈពេលចុងក្រោយនេះ ជាពិសេសក្រោយពលរដ្ឋខ្មែរនាំគ្នាធ្វើពហិការទំនិញថៃ។ ដើម្បីជំរុញភាពរីកចម្រើន និងការប្រកួតប្រជែងរបស់វិស័យ SME មន្ត្រីជាន់ខ្ពស់ក្រសួងឧស្សាហកម្ម ជំរុញឱ្យម្ចាស់ SME បន្តពង្រឹងគុណភាព សោភណភាពវេចខ្ចប់ និងសេវាកម្មរបស់ខ្លួនឱ្យកាន់តែល្អប្រសើរបន្ថែមទៀត សំដៅជំរុញភាពប្រកួតប្រជែង និងទាក់ទាញទំនុកចិត្តអ្នកប្រើប្រាស់ក្នុងរយៈពេលវែង ដ្បិតថា ការធ្វើពហិការ ឬការបិទច្រកព្រំដែនមិនស្ថិតស្ថេរនោះទេ។