#វិស័យទេសចរណ៍

បើគ្មានការប្រែប្រួលទេ នាវា Westerdam របស់សហរដ្ឋអាម៉េរិក ដែលមានអ្នករួមដំណើរប្រមាណ៣,៥០០នាក់ នឹងចូលចតជាថ្មីម្ដងទៀតនៅកំពង់ផែក្រុងព្រះសីហនុ នៅថ្ងៃទី២៨ ខែធ្នូ ឆ្នាំ២០២៣ខាងមុខ។ អ្នកជំនាញក្នុងវិស័យទេសចរណ៍ចាត់ទុកការចូលចតរបស់នាវា Westerdam នៅខេត្តព្រះសីហនុជាមួយភ្ញៀវទេសចរចម្រុះជាតិសាសន៍នេះ វាមិនត្រឹមតែជួយបង្ហាញកម្ពុជាជាគោលដៅទេសចរណ៍មានភាពទាក់ទាញ ស្អាត និងមានសុវត្ថិភាពប៉ុណ្ណោះទេ ថែមទាំងរួមចំណែកជួយផ្សព្វផ្សាយពីសក្ដានុពលក្នុងវិស័យទេសចរណ៍របស់កម្ពុជាទៅកាន់ពិភពលោកផងដែរ។