#វិស័យដឹកជញ្ជូន

ការដឹកជញ្ជូនទំនិញរបស់កម្ពុជា ទៅកាន់ប្រទេសទី៣ ដោយឆ្លងកាត់ប្រទេសថៃ នៅតែរងការរឹតត្បិតបើទោះបីប្រទេសទាំងពីរមានកិច្ចព្រមព្រៀងពាណិជ្ជកម្ម និងកិច្ចព្រមព្រៀងដែលជួយសម្រួលដល់ការដឹកជញ្ជូនទំនិញឆ្លងកាត់ជាមួយគ្នាក៏ដោយ។ តែយ៉ាងណាក្រសួងស្ថាប័នពាក់ព័ន្ធរបស់កម្ពុជា រួមជាមួយភាគីថៃ កំពុងធ្វើកិច្ចការរួមគ្នា ដើម្បីរកដំណោះស្រាយលើបញ្ហានេះ។ ទាំងមន្ត្រីជាន់ខ្ពស់ក្រសួងពាណិជ្ជកម្ម និងអ្នកជំនាញក្នុងវិស័យជំនួញបានលើកឡើងថា ពាក់ព័ន្ធបញ្ហានេះមានតែការសម្របសម្រួល និងចរចាគ្នារវាងភាគីទាំងសងខាងតែប៉ុណ្ណោះ ទើបអាចរកច្រកចេញបាន។