​ ខេមបូណូមីស

រៀងរាល់អំឡុងពេលចុងឆ្នាំ ប្រជាកសិករដាំដុះដំណាំដំឡូងមីតែងតែមមាញឹកប្រមូលទិន្នផល ប៉ុន្តែនៅឆ្នាំនេះ ខុសប្លែកពីរៀងរាល់ឆ្នាំ ដោយសារតែការឈ្លានពានពីយោធាថៃ បាននិងកំពុងធ្វើឱ្យទិន្នផលដំឡូងមីប្រមាណជាង ៦០% នៅតាមបណ្តាខេត្តជាប់ព្រំដែនកម្ពុជា-ថៃ មិនទាន់អាចប្រមូលផលបាន។ នេះបើតាមការអះអាង របស់ប្រធានសមាគមកសិករដំឡូងខ្មែរ ដែលបានបន្ថែមថា ដោយសារតែបញ្ហាសង្គ្រាមនេះ ផែនការនាំចេញដំឡូងមី៩លានតោនរបស់កម្ពុជា ទៅកាន់ទីផ្សារវៀតណាម ដែលទើបចុះហត្ថលេខាកាលពីពេលថ្មីៗ ក៏កំពុងស្ថិតក្នុងស្ថានភាពស្រពេចស្រពិលដែរ។