ចិន-កម្ពុជា ចាប់ដៃគ្នាបង្កើតខែលសន្តិសុខ ធ្វើឱ្យថៃ កំពុងក្តៅក្រហាយ និងព្រួយបារម្ភ
ស្របពេលអ្នកជិតខាងខ្លះកំពុងលបមើលទាំងក្តីបារម្ភ និងអន្ទះសារបារម្ភពីឥទ្ធិពលចិន ប្រធានាធិបតីចិន លោក ស៊ី ជីនភពីង បានថ្លែងយ៉ាងម៉ឺងម៉ាត់នៅថ្ងៃ…
វៀតណាម និយាយថា វិស័យកសិកម្មរបស់ខ្លួនកំពុងផ្លាស់ប្តូរពីការផ្តោតលើបរិមាណផលិតកម្ម ងាកទៅផ្តោតលើគុណភាព គុណតម្លៃ និងនិរន្តរភាព ដើម្បីបង្កើនប្រាក់ចំណូលរបស់កសិករ និងភាពប្រកួតប្រជែងនៅលើទីផ្សារពិភពលោក។
បច្ចុប្បន្ន កាហ្វេ គឺជាផលិតផលកសិកម្មដែលរកចំណូលបានខ្ពស់ជាងគេ ដោយអាចរកប្រាក់ចំណូលប្រមាណ ១៥,៤០០ ដុល្លារ ក្នុងដីមួយហិកតា។ បន្ទាប់មក គឺវារីវប្បកម្មដែលរកចំណូលបានជិត ១២,៩០០ ដុល្លារ ក្នុងមួយហិកតា ខណៈការដាំដំណាំហូបផ្លែ និងបន្លែ ជាពិសេសធុរេនសម្រាប់នាំចេញទៅប្រទេសចិន អាចរកចំណូលបានប្រមាណ ១១,៤០០ ដុល្លារ ក្នុងមួយហិកតា។
ផ្ទុយទៅវិញ ដំណាំស្រូវអាចរកចំណូលបានត្រឹមប្រមាណ ២,៤០០ ដុល្លារ ប៉ុណ្ណោះក្នុងដីមួយហិកតា។ ដោយសារតែប្រាក់ចំណូលទាប កសិករជាច្រើននៅតំបន់ដីសណ្ដទន្លេមេគង្គ បានងាកទៅចិញ្ចឹមបង្គាក្នុងស្រែស្រូវ និងការដាំដំណាំហូបផ្លែ ដែលអាចរកចំណូលបានច្រើនជាង។
ដើម្បីសម្រេចគោលដៅនេះ វៀតណាម កំពុងពង្រឹងគុណភាពផលិតផល កែលម្អខ្សែច្រវាក់ផ្គត់ផ្គង់ ពង្រីកទីផ្សារនាំចេញ និងបង្កើនការចេញលេខកូដតំបន់ដាំដុះ និងទីតាំងវេចខ្ចប់ ដែលជាលក្ខខណ្ឌតម្រូវដ៏សំខាន់សម្រាប់ការនាំចេញទៅកាន់ទីផ្សារអន្តរជាតិ។
បន្ថែមពីនេះ រដ្ឋាភិបាលវៀតណាម ក៏កំពុងវិនិយោគលើកសិកម្មដែលធន់នឹងការប្រែប្រួលអាកាសធាតុ ឃ្លាំងស្តុកទំនិញត្រជាក់ ការកែច្នៃកសិផល បច្ចេកវិទ្យាឌីជីថល និងបញ្ញាសិប្បនិម្មិត AI ដើម្បីបង្កើនផលិតភាព និងបំពេញតាមស្តង់ដារអន្តរជាតិកាន់តែតឹងរ៉ឹង។
មន្ត្រីវៀតណាម បញ្ជាក់ថា គោលដៅមិនមែនត្រឹមតែបង្កើនការនាំចេញប៉ុណ្ណោះទេ ប៉ុន្តែក៏ដើម្បីលើកកម្ពស់ប្រាក់ចំណូលរបស់កសិករ និងកសាងវិស័យកសិកម្មដែលមានភាពប្រកួតប្រជែង និងនិរន្តរភាពក្នុងរយៈពេលវែងផងដែរ។
ទោះបីសេដ្ឋកិច្ចពិភពលោកនៅតែប្រឈមនឹងភាពមិនប្រាកដប្រជាយ៉ាងណាក្ដី ក៏ការនាំចេញកសិផលរបស់វៀតណាម នៅតែបន្តកើនឡើង។ ក្នុងរយៈពេល ៥ ខែដើមឆ្នាំ២០២៦ ការនាំចេញកសិកម្មសម្រេចបានជិត ៣០ ពាន់លានដុល្លារ កើនឡើងជាង ៦% បើធៀបនឹងរយៈពេលដូចគ្នាកាលពីឆ្នាំមុន និងទទួលបានអតិរេកពាណិជ្ជកម្មចំនួន ៧,៥ ពាន់លានដុល្លារ៕
ដោយ: តែម សុខុម
