​ ខេមបូណូមីស

ការិយាល័យការងារខេត្តប៊ូរីរ៉ាំ (Buri Ram) បានអះអាងថា ពលករខ្មែរដែលកំពុងធ្វើការនៅក្នុងខេត្តភាគឦសានរបស់ថៃ មួយនេះ មិនចង់ត្រលប់មកកម្ពុជា វិញទេ ដោយសារខ្លាចបាត់បង់ការងារដែលទទួលបានប្រាក់ខែខ្ពស់ ហើយទន្ទឹមនេះក្រុមការងារថៃ ទទួលបន្ទុកគ្រប់គ្រងស្ថានការណ៍ព្រំដែនកម្ពុជា-ថៃ បានចេញសេចក្ដីប្រកាសបន្ទាន់មួយថា ប្រទេសថៃ គ្មានគោលនយោបាយបញ្ជូនពលករខ្មែរមកកម្ពុជា វិញទេ ដោយផ្អែកលើមូលដ្ឋានមនុស្សធម៌។ នេះបើយោងតាមការចុះផ្សាយរបស់កាសែតបាងកកប៉ុស្តិ៍។