ព័ត៌មាន

បើទោះបីជាសហរដ្ឋអាម៉េរិក ក្រោមការដឹកនាំរបស់លោកប្រធានាធិបតី ដូណាល់ ត្រាំ មិនទាន់បង្ហាញសញ្ញា ឬផែនការវាយប្រហារយោធាភ្លាមៗលើប្រទេសគុយបា ក៏ដោយ ប៉ុន្តែប្រទេសមហាអំណាចកំពូលរបស់ពិភពលោកមួយនេះ បានបង្ហាញយ៉ាងច្បាស់ពីការបន្ថែមសម្ពាធកាន់តែខ្លាំងលើប្រទេសនេះ។ ទីភ្នាក់ងារព័ត៌មាន AP បានរាយការណ៍ថា រដ្ឋបាល​លោក ត្រាំ កំពុងអនុវត្តគោលនយោបាយរឹតបន្តឹង និងដាក់សម្ពាធជាអតិបរមាលើគុយបា ក្នុងគោលបំណងធ្វើឱ្យរដ្ឋាភិបាលកុម្មុយនីស្ត នៃប្រទេសកោះមួយនេះចុះខ្សោយ និងដើម្បីបង្ខំឱ្យមានការផ្លាស់ប្តូរនយោបាយ។