ព័ត៌មាន

សង្គ្រាមពាណិជ្ជកម្មរវាងកាណាដា និងអាម៉េរិក បានឈានចូលក្នុងរបត់ថ្មីមួយទៀតហើយ ក្រោយប្រធានាធិបតីអាម៉េរិក ដូណាល់ ត្រាំ បានចេញបញ្ជាបន្ទាន់ និងដាច់ខាតឱ្យគ្រប់ភ្នាក់ងាររដ្ឋាភិបាលទាំងអស់លុបឈ្មោះ និងបដិសេធទំនិញដេញថ្លៃរបស់កាណាដា ចេញពីកិច្ចសន្យាស៊ីវិល និងគម្រោងរបស់រដ្ឋអំណាចអាម៉េរិកទាំងអស់។ ការដាក់ចេញបទបញ្ជាដ៏ក្តៅគគុកនេះត្រូវបានគេមើលឃើញថា មិនត្រឹមជាការដាក់ទណ្ឌកម្មទីក្រុងអូតាវ៉ាប៉ុណ្ណោះទេ តែវាជាសារគំរាមដល់សហភាពអឺរ៉ុប បន្ទាប់ពីលេចធ្លាយការបើកដៃឱ្យកាណាដា ចូលជាសមាជិកមិនពេញសិទ្ធិរបស់ប្លុកនេះ។