ព័ត៌មាន

ប្រទេសចិន ដែលមានប្រជាជនសរុបជាង១,៤ពាន់លាននាក់ កំពុងឈានទៅផ្ដួលអាម៉េរិក ក្នុងតំណែងជាប្រទេសមានទីផ្សារទេសចរណ៍ធំជាងគេបំផុតក្នុងពិភពលោក។ ទិន្នន័យរបស់អង្គការអន្តរជាតិ មានឈ្មោះថា ក្រុមប្រឹក្សាទេសចរណ៍ និងការធ្វើដំណើរពិភពលោកបានបង្ហាញថា ឧស្សាហកម្មទេសចរណ៍របស់ប្រទេសចិន មានទំហំរហូតដល់ទៅប្រមាណ១,៨ទ្រីលានដុល្លារអាម៉េរិក នៅឆ្នាំ២០២៥ ហើយអាចកើនឡើងដល់៣,៥ទ្រីលានដុល្លារអាម៉េរិក នៅត្រឹមឆ្នាំ២០៣៦ ដែលអាចវ៉ាដាច់សហរដ្ឋអាម៉េរិក ដែលទីផ្សារទេសចរណ៍របស់ខ្លួនមានទំហំ២,៦ទ្រីលានដុល្លារកាលពីឆ្នាំមុន។