ព័ត៌មាន

ការសម្រេចចិត្តរបស់ប្រធានាធិបតីអាម៉េរិក លោក ដូណាល់ ត្រាំ កាលពីពេលថ្មីៗនេះក្នុងការកាត់បន្ថយរយៈពេល និងទំហំសមយុទ្ធយោធារួមគ្នាជាមួយកូរ៉េខាងត្បូង បានក្លាយជាសារពញាក់អារម្មណ៍ យ៉ាងក្តៅគគុកមួយសម្រាប់សម្ពន្ធមិត្តជិតស្និទ្ធបំផុតរបស់អាម៉េរិក។ យោងតាមអត្ថបទអត្ថាធិប្បាយរបស់សារព័ត៌មានអន្តរជាតិ ធំៗដូចជា CNA ជាដើម ប្រទេសជប៉ុន អូស្ត្រាលី និងកូរ៉េខាងត្បូង អាចនឹងត្រូវបង្ខំចិត្តសិក្សា និងដកឃ្លាមកក្រឡេកមើលផែនការយុទ្ធសាស្ត្រផ្នែកសន្តិសុខជាតិ ឡើងវិញ ខណៈភាពជឿជាក់លើខែលការពារជាតិ របស់អាម៉េរិក ចាប់ផ្តើមមានភាពរង្គោះរង្គើ។