ការសម្រេចចិត្តរបស់ប្រធានាធិបតី ដូណាល់ ត្រាំ ក្នុងការទាត់ចោលការឆ្លើយតបរបស់អ៊ីរ៉ង់ បានធ្វើឱ្យទីផ្សារហិរញ្ញវត្ថុពិភពលោករងការរង្គោះរង្គើយ៉ាងខ្លាំង ក្នុងនោះតម្លៃប្រេងឥន្ធនៈ និងលុយដុល្លារអាម៉េរិក ហក់ឡើងថ្លៃ ចំណែកឯមាស និង ភាគហ៊ុនបាដាំក្បាលចុះ ក្រោយការសម្រេចចិត្តនេះបានធ្វើឱ្យស្ថានភាពសង្គ្រាមនៅមជ្ឈិមបូព៌ាឡើងកម្តៅជាថ្មី។
តម្លៃប្រេង ឥន្ធនៈ បាន ហក់ឡើងបន្ទាប់ពីការចរចាសន្តិភាពរវាងសហរដ្ឋអាម៉េរិក និងអ៊ីរ៉ង់ជាប់គាំង និងហានិភ័យជម្លោះ កើនឡើង ។ សារព័ត៌មាន CNBC បានរាយការណ៍ថា ប្រេងឆៅ លើទីផ្សារអន្តរជាតិ បាន ហក់ឡើងថ្លៃលើស១០៥ដុល្លារក្នុងមួយបារ៉ែល និងប្រេងនៅ លើ ទីផ្សារសហរដ្ឋអាម៉េរិក បាន ហក់ឡើងថ្លៃជិតដល់១០០ដុល្លារក្នុង១បារ៉ែល ដែលជំរុញដោយការភ័យខ្លាចការរាំងស្ទះការផ្គត់ផ្គង់តាមរយៈច្រកសមុទ្រ Hormuz។ ក្រុម អ្នកវិភាគបានព្រមានថា ប្រេងឆៅអាចហក់ឡើងបន្ថែមទៀត ប្រសិនបើភាពតានតឹងនៅតែបន្ត។
ទន្ទឹមនឹងតម្លៃប្រេងហក់ឡើង តម្លៃមាសឯណោះវិញបែរជាមានការធ្លាក់ចុះទៅវិញ បើទោះបីជាមានហានិភ័យភូមិសាស្ត្រនយោបា យ យ៉ាង ណាក៏ដោយ។ ទីភ្នាក់ ងារព័ត៌មាន Reuters បានចុះផ្សាយ ថា មាសបានធ្លាក់ថ្លៃប្រមាណ ១,២% មកនៅត្រឹម ប្រមាណ៤,៦៥៧ដុល្លារក្នុងមួយអោន ឬ៥,៦១០ដុល្លារ ក្នុ ងមួយតម្លឹង។ តម្លៃប្រេងខ្ពស់បានបង្កើនការរំពឹងទុក ថា នឹងធ្វើ ឱ្យ អតិផរណា កើនឡើង ហើយជាលទ្ធ ផល អាចធ្វើឱ្យអត្រាការប្រាក់ហក់ឡើងខ្ពស់ និងធ្វើឱ្យ តម្រូវការមាសធ្លាក់ចុះ។
ជាមួយគ្នានេះ លុយដុល្លារអាម៉េរិក បានហក់ ឡើងថ្លៃ ខណៈដែលវិនិយោគិនបា នងាក ទៅ វិនិយោគលើទ្រព្យសកម្មដែលមានសុវត្ថិភាព។ យោងតាម Reuters បាន ឱ្យដឹងថា ភាគហ៊ុនសកល ទទួល បាន លទ្ធ ផលចម្រុះ ដោយ ភាគហ៊ុ ននៅសហរដ្ឋអាម៉េរិក នៅទ្រឹង ទីផ្សារ ភាគហ៊ុន អាស៊ីមិនស្មើគ្នា ពោល គឺ មានខ្លះឡើងខ្លះធ្លាក់ថ្លៃ ខណៈដែលប្រាក់យ៉េន ជប៉ុន និងប្រាក់អឺរ៉ូធ្លាក់ថ្លៃបន្តិច។
អ្នកវិភាគបានព្រមានថា ប្រសិនបើភាពតានតឹងរវាងមហាអំណាចទាំងពីរនៅតែបន្តអូសបន្លាយ តម្លៃថាមពលអាចនឹងបន្តហក់ឡើងបន្ថែមទៀត ដែលនឹងក្លាយជាបន្ទុកធ្ងន់សម្រាប់សេដ្ឋកិច្ចសកលនាពេលខាងមុខ៕
ដោយ: តែម សុខុម
