Latest

ម្ចាស់កសិដ្ឋានចិញ្ចឹមជ្រូក និងអ្នកជំនាញចិញ្ចឹមសត្វនៅកម្ពុជា បានចេញមុខស្នើដល់ស្ថាប័នពាក់ព័ន្ធឱ្យផ្អាក ឬហាមឃាត់ការនាំចូលសាច់បង្កក និងជ្រូករស់ចូលមកទីផ្សារកម្ពុជា ជាបណ្តោះអាសន្ន ដើម្បីទប់ស្កាត់ហានិភ័យ នៃការឆ្លងរាលដាលជំងឺប៉េស្តជ្រូក ដែលអាចបំផ្លាញខ្សែច្រវាក់ផលិតកម្មជ្រូកនៅទូទាំងប្រទេស។ ការស្នើឱ្យចាត់វិធានការនេះធ្វើឡើងស្របពេលដែលប្រទេសឡាវ និងវៀតណាម កំពុងប្រឈមមុខនឹងការផ្ទុះរាលដាល នៃជំងឺប៉េស្តជ្រូក ដែលកំពុងបង្កវិបត្តិសេដ្ឋកិច្ចយ៉ាងធ្ងន់ធ្ងរដល់កសិករ និងម្ចាស់កសិដ្ឋាននៅក្នុងប្រទេសទាំងនោះ។