ព័ត៌មាន

សហព័ន្ធឧស្សាហកម្មថៃ (FTI) បានព្រមានកាលពីថ្ងៃអង្គារ ថា វិធានការបិទព្រំដែនថៃ-កម្ពុជា អាចធ្វើឱ្យប៉ះពាល់ដល់ការធ្វើពាណិជ្ជកម្មតាមព្រំដែនថៃ ដែលមានតម្លៃសរុប១៧០ ពាន់លានបាតប្រហែលជាង៥ពាន់លានដុល្លារក្នុងមួយឆ្នាំៗ។ ការចេញមកព្រមានបែបនេះរបស់សហព័ន្ធឧស្សាហកម្មថៃ ធ្វើឡើងក្រោយអាជ្ញាធរថៃ បានបង្ហាញចេតនាចង់បិទព្រំដែនជាមួយកម្ពុជា បន្ទាប់ពីជម្លោះនៅតាមខ្សែបន្ទាប់ព្រំដែនរវាងប្រទេសទាំងពីរមានការឡើងកម្តៅនៅមួយរយៈចុងក្រោយ។ នេះបើតាមការចេញផ្សាយរបស់សារព័ត៌មាន The Nation។