ក្រុមហ៊ុនប្រេងឥន្ធនៈធំៗកំពុងប្រមូលប្រាក់ចំណេញ៣,០០០ដុល្លារក្នុង១វិនាទី ដោយសារវិបត្តិសង្គ្រាមនៅមជ្ឈិមបូព៌ា
របាយការណ៍ថ្មីមួយបានទម្លាយឱ្យដឹងថា ក្រុមហ៊ុនប្រេងឥន្ធនៈហ្វូស៊ីលធំៗចំនួន៦របស់ពិភពលោក ទទួលបានប្រាក់ចំណេញជិត៣,០០០ដុល្លារក្នុង១វិនាទីនៅប៉…
សារព័ត៌មាន Bloomberg បានរាយការណ៍ថា រដ្ឋាភិបាលឥណ្ឌូនេស៊ី មានគោលដៅដាក់ចេញនូវជីវៈឥន្ធនៈថ្មីមួយប្រភេទ B50 ដែលផ្សំឡើងពីប្រេងដូង៥០% លាយជាមួយប្រេងម៉ាស៊ូត។ ការសាកល្បងកំពុងដំណើរការហើយ រួមទាំងការធ្វើតេស្តចាក់រថយន្តឱ្យរត់ផ្លូវឆ្ងាយឆ្លងកាត់កោះជ្វាផងដែរ ដើម្បីពិនិត្យមើលថា តើជីវៈឥន្ធនៈថ្មីនេះអាចដំណើរការល្អក្នុងស្ថានភាពជាក់ស្តែង ឬក៏អត់។
ប្រសិនបើការតេស្តសាកល្បងទទួលបានជោគជ័យ ប្រទេសឥណ្ឌូនេស៊ី នឹងក្លាយជាគំរូគេសម្រាប់ពិភពលោក ហើយប្រទេសដទៃទៀតដូចជា ម៉ាឡេស៊ី និងប្រេស៊ីលជាដើម ក៏កំពុងតាមដានយ៉ាងយកចិត្តទុកដាក់ផងដែរ។ ទោះជាយ៉ាងណា ផែនការនេះជួបបញ្ហាប្រឈមធំៗរួមមាន ការផ្គត់ផ្គង់មេតាណុលជាគ្រឿងផ្សំដ៏សំខាន់សម្រាប់ប្រេងជីវៈឥន្ធនៈ ដែលត្រូវបានរាំងស្ទះដោយសារសង្គ្រាមអ៊ីរ៉ង់ ព្រមទាំងកត្តាហេដ្ឋារចនាសម្ព័ន្ធ និងសមត្ថភាពផលិត។ ទន្ទឹមនេះ ការពង្រីកការប្រើប្រាស់ជីវៈឥន្ធនៈអាចកាត់បន្ថយការនាំចេញប្រេងដូងផងដែរ ដែលអាចជំរុញឱ្យតម្លៃប្រេងដូងហក់ឡើងទូទាំងពិភពលោក។
ទោះបីជាមានឧបសគ្គក៏ដោយ ក៏ប្រទេសឥណ្ឌូនេស៊ី កំពុងបោះជំហានឆ្ពោះទៅមុខ។ ក្រុមមន្ត្រីឥណ្ឌូនេស៊ី បានលើកឡើងថា ចំណាត់ការនេះឆ្លុះបញ្ចាំងពីការគិតគូរខ្លាំងអំពីសន្តិសុខថាមពល និងការពឹងផ្អែកលើខ្លួនឯង ទោះបីជាការផលិតជីវៈឥន្ធនៈថ្មី ដែលផ្សំឡើងពីប្រេងដូង៥០% លាយជាមួយប្រេងម៉ាស៊ូតនេះអាចប្រើការបានពេញលេញ អាចចំណាយពេលយូរជាងការគ្រោងទុកក៏ដោយ៕
ដោយ: តែម សុខុម
