ម្ចាស់បំណុលមួយចំនួនយល់ព្រមឱ្យស្រីលង្កាផ្អាកសងបំណុលរហូតដល់ឆ្នាំ២០២៨
ប្រទេសស្រីលង្កា និងម្ចាស់បំណុលរបស់ខ្លួនមួយចំនួនកំពុងចរចាគ្នាជាលើកចុងក្រោយដើម្បីសម្រេចពីការយល់ព្រមឱ្យស្រីលង្កាអាចផ្អាកសងបំណុលដល់ពួកគេម្ដងទៀត…
បើយោងតាមការចុះផ្សាយរបស់សារព័ត៌មាន Nikkei នៅពេលនេះអ្នកវិនិយោគទុនជប៉ុន កំពុងនាំគ្នាសម្រុកបង្កើនសកម្មភាពវិនិយោគនៅក្នុងសហរដ្ឋអាម៉េរិកដោយផ្ទាល់។ ប្រភពដដែលបានរាយការណ៍ថា និន្នាការនេះបានកើតមានឡើងផ្ទួនៗ ក្រោយពេលដែលក្រុមហ៊ុនជប៉ុន កំពុងកាត់បន្ថយសកម្មភាពវិនិយោគនៅក្នុងប្រទេសចិន ចាប់តាំងពីមានភាពតានតឹងខាងភូមិសាស្រ្តនយោបាយ និងសង្រ្គាមពាណិជ្ជកម្មរវាងចិន និងសហរដ្ឋអាម៉េរិក។
ការលើកកម្ពស់ទំនាក់ទំនងពាណិជ្ជកម្ម និងវិនិយោគរវាងជប៉ុន និងសហរដ្ឋអាម៉េរិកកាន់តែជិតស្និទ្ធបែបនេះ គឺកើតឡើងក្រោយរដ្ឋាភិបាលសហរដ្ឋអាម៉េរិក និងជប៉ុនបានបង្ហាញនូវការគាំទ្រ និងលើកទឹកចិត្តផលិតកម្មរបស់ប្រទេសទាំងពីរ ជាពិសេសគឺឧបករណ៍អេឡិចត្រូនិក ដើម្បីពង្រីកគម្លាតនៃការពឹងផ្អែកចិន។
ទិន្នន័យបឋមដែលរាយការណ៍ដោយអង្គការពាណិជ្ជកម្មរបស់ជប៉ុន បង្ហាញថា លំហូរវិនិយោគផ្ទាល់របស់ជប៉ុនទៅកាន់សហរដ្ឋអាម៉េរិក កាលពីឆ្នាំ២០២៣ មានទំហំសរុបជាង៦៣ពាន់លានដុល្លារ ពោលគឺស្ថិតក្នុងកម្រិតខ្ពស់ដូចគ្នានឹងឆ្នាំ២០២២។ ភាគហ៊ុននៃការវិនិយោគផ្ទាល់របស់ជប៉ុននៅសហរដ្ឋអាម៉េរិក មានតម្លៃសរុបលើស៦៩៦ពាន់លានដុល្លារ ដែលស្មើនឹង៥ដងនៃកម្រិតវិនិយោគនៅក្នុងប្រទេសចិន។
មកដល់ពេលនេះ អ្នកវិនិយោគជប៉ុនកំពុងព្យាយាមចាប់យកទឹកចិត្ត និងបង្កើនភាពកក់ក្តៅដើម្បីដណ្តើមទឹកចិត្ត និងការគាំទ្រពីអតិថិជនជាជនជាតិអាម៉េរិកកាំងចាប់តាំងពីលំនៅឋាន ដោយក្រុមហ៊ុនសំណង់ជប៉ុនជាច្រើនបានហក់ចូលលុកលុយនៅក្នុងពិភពអចលនទ្រព្យនៅអាម៉េរិក ក្រៅពីនោះ ក៏មានក្រុមហ៊ុនផលិតកម្មអាហាររាប់ចាប់តាំងពីក្រុមហ៊ុនផលិតកម្មមីជប៉ុនក៏កំពុងតែសម្រុកទៅបើករោងចក្រនៅសហរដ្ឋអាម៉េរិកផងដែរ៕
ដោយៈ សរ សុជាតិ
None
