​ ខេមបូណូមីស

ហាងឆេងមាសនៅលើទីផ្សារអន្តរជាតិ គិតត្រឹមថ្ងៃចន្ទ ទី២១ ខែ កក្កដានេះ បានហក់ឡើងថ្លៃដល់កម្រិតខ្ពស់បំផុតមិនធ្លាប់មានក្នុងរយៈពេលជាងមួយខែកន្លងមកនេះ ដោយបានហក់ឡើងថ្លៃរហូតដល់ ៣,៣៩៨ដុល្លារអាម៉េរិក ក្នុងមួយអោន ឬស្មើនឹង ៤,១៤៤ដុល្លារអាម៉េរិកក្នុង១តម្លឹង ខណៈដែលក្រុមឈ្មួញជួញដូរមាសពិភពលោកកំពុងស្ទាបស្ទង់វាយតម្លៃផលប៉ះពាល់បង្កឡើងដោយពន្ធគយបដិការរបស់លោក ដូណាល់ ត្រាំ ទៅលើអតិផរណា និងអត្រាការប្រាក់។ នេះបើយោងតាមការចុះផ្សាយរបស់សារព័ត៌មានអន្តរជាតិ Bloomberg។