Latest

ក្រុមកសិករដាំពោតក្រហមនៅក្នុងខេត្តបាត់ដំបង កំពុងបង្ហាញក្តីកង្វល់យ៉ាងខ្លាំង និងបានដង្ហោយរកកិច្ចអន្តរាគមន៍ពីភាគីពាក់ព័ន្ធជួយរក្សាស្ថិរភាពតម្លៃកសិផលឱ្យបានសមរម្យ ដើម្បីអាចទទួលបានប្រាក់ចំណេញខ្លះសម្រាប់ដោះស្រាយជីវភាព និងបន្តការដាំដុះ។ បើតាមការលើកឡើងពីក្រុមកសិករ បច្ចុប្បន្នតម្លៃពោតក្រហមនៅមិនទាន់មានភាពច្បាស់លាស់នៅឡើយទេ ដោយតម្លៃទាំងអស់ គឺស្ថិតនៅលើមាត់ឈ្មួញកណ្តាលជាអ្នកកំណត់ ដែលបញ្ហានេះកំពុងរុញច្រានឱ្យពួកគេប្រឈមនឹងហានិភ័យខាតបង់ខ្ពស់ ស្របពេលដែលថ្លៃដើមផលិតកម្មនៅឆ្នាំនេះមានការកើនឡើងជាងឆ្នាំមុនៗ។