Latest

ស្របពេលសង្គ្រាមឈ្លានពានរបស់យោធាថៃ មកលើដែនអធិបតេយ្យកម្ពុជា កាន់តែស៊ីជម្រៅ និងឡើងកម្តៅកាន់តែខ្លាំងនោះ អ្នកសារព័ត៌មានដ៏ល្បីមួយរូបរបស់ថៃ ប្រាវីត រោចាណាភ្រឹក (Pravit Rojanaphruk) បានសរសេរអត្ថបទមួយរៀបរាប់ពីមេរៀននៃទស្សនៈជាតិនិយម និងល្បិចនយោបាយរបស់មេដឹកនាំថៃ។ នៅក្នុងអត្ថបទនោះ អ្នកសារព័ត៌មានរូបនេះបានរំលេចពីគ្រោះថ្នាក់នៃទស្សនៈជាតិនិយមទាំងនៅក្នុងសង្គមថៃ និងសង្គមកម្ពុជា និងយុទ្ធសាស្រ្តដណ្តើមប្រជាប្រិយភាពក្នុងឆាកនយោបាយ ដើម្បីប្រកួតប្រជែងនៅក្នុងការបោះឆ្នោតរបស់ថៃ ដែលគ្រោងធ្វើឡើងនៅខែកុម្ភៈ ខាងមុខនេះ។