Latest

រដ្ឋបាលសហរដ្ឋអាម៉េរិក ក្រោមការដឹកនាំរបស់ ដូណាល់ ត្រាំ បានសម្រេចដាក់បញ្ចូលប្រទេសចំនួន១២រួមទាំងកម្ពុជា ក្នុងបញ្ជីតម្រូវឱ្យអ្នកដាក់ពាក្យស្នើសុំទិដ្ឋាការចូលទឹកដីអាម៉េរិកត្រូវតម្កល់ប្រាក់ធានាចាប់ពី៥ពាន់ដុល្លាររហូតដល់១ម៉ឺន៥ពាន់ដុល្លារអាម៉េរិក ដែលធ្វើឱ្យចំនួនប្រទេសដែលរងចំណាត់ការនេះកើនដល់៥០ប្រទេស។ បើយោងតាមការចុះផ្សាយរបស់សារព័ត៌មាន Aljazeera ការដាក់ប្រទេសទាំងនេះចូលទៅក្នុងបញ្ជីតម្រូវឱ្យតម្កល់លុយជាមុននេះ វាជាផ្នែកមួយនៃកិច្ចខិតខំប្រឹងប្រែងរបស់រដ្ឋបាលលោក ត្រាំ ក្នុងការប្រយុទ្ធប្រឆាំងនឹងជនអន្តោប្រវេសន៍។