ព័ត៌មាន

អាជ្ញាធរវៀតណាម កាលពីពេលថ្មីៗបានរកឃើញសាច់ជ្រូកបង្កករាប់សិបតោននៅទីតាំងស្តុកសាច់មួយកន្លែង ដែលត្រៀមចែកចាយនៅលើទីផ្សារ មានផ្ទុកជំងឺជ្រូកមានផ្ទុកជំងឺប៉េស្តជ្រូកអាហ្វ្រិក។ បញ្ហានេះកំពុងបង្កជាក្តីបារម្ភដល់អ្នកបរិភោគ និងអ្នកចិញ្ចឹមជ្រូកនៅកម្ពុជា ហើយពួកគេស្នើឱ្យក្រសួងស្ថានប័នពាក់ព័ន្ធបង្កើនការត្រួតពិនិត្យ និងរឹតបន្តឹងការនាំចូលសាច់ជ្រូកបង្កកពីប្រទេសនេះឱ្យបានហ្មត់ចត់ ដើម្បីបង្ការផលប៉ះពាល់ដល់ការចិញ្ចឹមសត្វរបស់កសិករខ្មែរ ដែលកំពុងជួបបញ្ហាតម្លៃជ្រូកមានការធ្លាក់ថ្លៃស្រាប់។