ឆបោកតាមអនឡាញ

តុលាការវៀតណាម កាត់ទោសមនុស្សជិត២០០នាក់ឱ្យជាប់ពន្ធនាគារលើសពី១០ឆ្នាំរហូតដល់មួយជីវិតក្នុងសំណុំរឿងបោកប្រាស់តាមអនឡាញ


ឧក្រិដ្ឋជនចំនួន១៨៨នាក់ ដែលបានបោកប្រាស់ជនរងគ្រោះ៩០០នាក់ជាមួយទឹកប្រាក់ប្រមាណ៦០លានដុល្លារត្រូវបានតុលាការវៀតណាម កាត់ទោស ក្នុងនោះ មេខ្លោងធំៗត្រូវបានផ្តន្ទាទោសឱ្យជាប់ពន្ធនាគារអស់មួយជីវិត។ សារព័ត៌មាន CNA បានរាយការណ៍ថា ឧក្រិដ្ឋជនទាំងនេះ គឺជាបុគ្គលដែលត្រូវបានរកឃើញថា បានបោកប្រាស់ជនរងគ្រោះតាមប្រព័ន្ធអ៊ីនធឺណិតពាក់ព័ន្ធនឹងគម្រោងវិនិយោគដ៏ធំមួយ ។
ឆបោកតាមអនឡាញ
ដោយ

តុលាការក្រុងហាណូយ បានរកឃើញពិរុទ្ធភាព និងសម្រេចកាត់ទោសជនជាប់ចោទចំនួន១៨៨នាក់ពាក់ព័ន្ធនឹងបទល្មើសលាងលុយកខ្វក់ និងឆបោកទ្រង់ទ្រាយធំតាមរយៈគម្រោងវិនិយោគក្លែងក្លាយ ដែលបានបោកប្រាស់ជនរងគ្រោះជាង៩០០នាក់ និងទាញយកទឹកប្រាក់បានរហូតដល់ជិត៦០លានដុល្លារអាម៉េរិក​។ នៅក្នុងសវនាការកាត់ទោសកាលពីពេលថ្មីៗ ជនជាប់ចោទភាគច្រើនត្រូវបានតុលាការផ្តន្ទាទោសដាក់ពន្ធនាគារលើសពី១០ឆ្នាំ។ ប៉ុន្តែសម្រាប់បុគ្គលដែលជាមេខ្លោងនៅពីក្រោយខ្នងបណ្តាញឆបោកដ៏ធំនេះ គឺឈ្មោះ ផូ ដឹកណាម (Pho Duc Nam) ព្រមទាំងបក្ខពួកម្នាក់ទៀតឈ្មោះ ឡេ ខាច់ង៉ោ (Le Khac Ngo) ដែលជាប្រតិបត្តិករផ្ទាល់ត្រូវបានតុលាការកាត់ទោសដាក់ពន្ធនាគារអស់មួយជីវិត។

តាមរយៈការស្រាវជ្រាវ និងស៊ើបអង្កេតរបស់សមត្ថកិច្ចវៀតណាមបានលាតត្រដាងថា បណ្តាញឧក្រិដ្ឋកម្មដ៏ធំនេះត្រូវបានបង្កើតឡើងតាំងពីឆ្នាំ២០១៩ មកម្ល៉េះ ដោយមានបណ្តាញពាក់ព័ន្ធសរុបដល់ទៅ១,៧០០នាក់។ ក្រុមឧក្រិដ្ឋជនបានចងក្រងគ្នាបង្កើតជាសហគមន៍បន្លំភ្នែកតាមប្រព័ន្ធអ៊ីនធឺណិត និងចាត់តាំងមនុស្សឱ្យក្លែងខ្លួនជាអ្នកជំនាញហិរញ្ញវត្ថុ ឬជាវិនិយោគិនដែលទទួលបានជោគជ័យខ្ពស់ ដើម្បីកសាងជំនឿទុកចិត្ត និងទាក់ទាញអតិថិជនគោលដៅឱ្យធ្លាក់ក្នុងអន្ទាក់បោកប្រាស់។

គួររំលឹកថា នៅក្នុងចំណោមអ្នកដែលត្រូវកាត់ទោសទាំងនោះ ក៏មានវត្តមានបុគ្គលជាអ្នកជំនួញល្បីឈ្មោះម្នាក់ គឺលោក ឃ្វៀន ហាវ ប៊ិញ (Nguyen Hoa Binh) ដែលគេស្គាល់ច្បាស់ថា ជាវិនិយោគិនជាន់ខ្ពស់ និងធ្លាប់ជាប្រធានក្រុមហ៊ុន NextTech ដែលធ្វើឱ្យសំណុំរឿងនេះទទួលបានការចាប់អារម្មណ៍កាន់តែខ្លាំងពីសាធារណជន៕

ដោយៈ សរ សុជាតិ




អត្ថបទបន្ទាប់


បារាំង ចាប់ដៃម៉ាឡេស៊ី បង្កើតសម្ព័ន្ធយុទ្ធសាស្ត្រថ្មីលើវិស័យយោធា និងរ៉ែកម្រ ខណៈលោកខាងលិចកំពុងរកវិធីកាត់បន្ថយការពឹងផ្អែកលើចិន

បារាំង និងម៉ាឡេស៊ី កំពុងបោះជំហានកាន់តែជិតស្និទ្ធក្នុងភាពជាដៃគូយុទ្ធសាស្ត្រ ដោយពង្រីកកិច្ចសហប្រតិបត្តិការលើវិស័យការពារជាតិ ថាមពល និងរ៉ែ…

អាស៊ាន ចិន ជប៉ុន និងកូរ៉េខាងត្បូង ជំរុញឱ្យពង្រឹងសាមគ្គីភាព និងការជឿទុកចិត្តគ្នា ស្របពេលពិភពលោកប្រឈមភាពមិនប្រាកដប្រជា

ខណៈភាពមិនប្រាកដប្រជាផ្នែកសេដ្ឋកិច្ច ភាពតានតឹងភូមិសាស្ត្រនយោបាយ និងហានិភ័យនៃការផ្គត់ផ្គង់ស្បៀងអាហារ និងថាមពលកំពុងបង្កសម្ពាធកាន់តែខ្លាំងលើត…
More

Related Stories


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ