ក្តីរំពឹងចង់ឃើញលោកស្រី គ្រីស្ទីន ឡាហ្គាត ប្រជែងតំណែងប្រធានាធិបតីបារាំង រសាត់ទៅកាន់តែឆ្ងាយ
ក្តីរំពឹងរបស់ម្ចាស់ឆ្នោតនៅប្រទេសបារាំង ដែលចង់ឃើញអ្នកជំនាញហិរញ្ញវត្ថុ និងសេដ្ឋកិច្ចជាន់ខ្ពស់ គឺលោកស្រី គ្រីស្ទីន ឡាហ្គាត ហក់ចូលក្នុងការប្រជែង…
សភាវៀតណាម បានអនុម័តការកែសម្រួលគម្រោងផ្លូវរថភ្លើងតភ្ជាប់ប្រទេសចិន ដោយបន្ថែមថវិកា៣ពាន់លានដុល្លារ ដែលធ្វើឱ្យថវិកាគម្រោងសរុបកើនពីជាង៧,៧ពាន់លានដុល្លារឈានដល់បជាង១១ពាន់លានដុល្លារ។ ផ្លូវរថភ្លើងនេះនឹងចាប់ផ្តើមពីខេត្តឡាវ កៃ ជាប់ព្រំដែនចិនឆ្លងកាត់ទីក្រុងហាណូយ និងបន្តទៅកាន់កំពង់ផែហៃហ្វុង ដែលមានប្រវែងសរុប៤២៦គីឡូម៉ែត្រ។
រថភ្លើងនេះអាចធ្វើដំណើរក្នុងល្បឿនរហូតដល់ទៅ១២០គីឡូម៉ែត្រក្នុងមួយម៉ោង ហើយឆ្លងកាត់តំបន់ឧស្សាហកម្មសំខាន់ៗមួយចំនួន ដែលអាចជួយជំរុញពាណិជ្ជកម្ម និងការដឹកជញ្ជូនទំនិញរវាងវៀតណាម និងចិន បន្ថែមទៀត។ រដ្ឋាភិបាលវៀតណាម មានគោលដៅបញ្ចប់ការសាងសង់ផ្លូវដែកនេះនៅចុងឆ្នាំ២០៣០ ហើយកាលពីឆ្នាំមុនបានបញ្ជាក់ថា ចិននឹងផ្តល់កម្ចីឥណទានសម្រាប់គម្រោងនេះ។
សូមបញ្ជាក់ថា ផ្លូវរថភ្លើងនេះ គឺជាគម្រោងមួយក្នុងចំណោមគម្រោងផ្លូវរថភ្លើង៣ខ្សែដែលវៀតណាម គ្រោងសាងសង់ ដើម្បីភ្ជាប់បណ្តាញផ្លូវដែករបស់ខ្លួនជាមួយប្រទេសចិន៕
ដោយ: តែម សុខុម
