#កិច្ចព្រមព្រៀងសន្តិភាព

ស្របពេលដែលលោក ដូណាល់ ត្រាំ ប្រកាសក្តែងៗពីការសម្រេចបានកិច្ចព្រមព្រៀងបញ្ចប់សង្គ្រាមជាមួយអ៊ីរ៉ង់ ដោយអះអាងទាំងមោទកភាពថា គ្មានមេដឹកនាំណាធ្វើបានដូចរូបលោកនោះ ស្រាប់តែចិន បានចេញមុខមកព្រមានចំៗថា កុំអាលអបអរជ្រុលហួសហេតុ អ្វីៗទើបតែចាប់ផ្តើមប៉ុណ្ណោះ។ យោងតាមការចុះផ្សាយរបស់សារព័ត៌មាន The Straits Times អ្នកការទូតកំពូលរបស់ទីក្រុងប៉េកាំង បានគូសបញ្ជាក់ថា ផ្លូវចរចានៅជំហានបន្ទាប់រវាងទីក្រុងវ៉ាស៊ីនតោន និងតេអេរ៉ង់នឹងក្លាយជាសមរភូមិជជែកគ្នាដ៏លំបាក ស្មុគស្មាញ និងពោរពេញដោយល្បិចកលមិនងាយស្រួលដូចអាម៉េរិកគិតឡើយ។