​ ខេមបូណូមីស

ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីបានគូសបញ្ជាក់ទៅកាន់ឯកអគ្គរាជទូតជប៉ុនប្រចាំនៅកម្ពុជាថា បញ្ហាជម្លោះព្រំដែនរវាងកម្ពុជា និងថៃ គឺមានលក្ខណៈជារចនាសម្ព័ន្ធ ដែលទាមទារឱ្យមានការដោះស្រាយដោយភាពអត់ធ្មត់ និងប្រើប្រាស់ពេលវេលារយៈពេលយូរ។ ទោះជាយ៉ាងណា កម្ពុជានៅតែបន្តប្តេជ្ញាចិត្តយ៉ាងមុតមាំ ក្នុងការដោះស្រាយរាល់ជម្លោះព្រំដែនជាមួយប្រទេសជិតខាងដោយសន្តិវិធី ស្របតាមច្បាប់អន្តរជាតិ និងកិច្ចព្រមព្រៀងទ្វេភាគីដែលមានស្រាប់។