ព័ត៌មាន

ប្រទេសថៃ កំពុងតែធ្លាក់ចូលនៅវិប្បដិសារីនៃសេដ្ឋកិច្ចពីរទិស ដោយរោងចក្រក្នុងស្រុកជាច្រើនបានប្រកាសបិទទ្វារជាបន្តបន្ទាប់បណ្តាលឱ្យអត្រាគ្មានការងារធ្វើ និងការបញ្ឈប់បុគ្គលិកកើនឡើងដល់កម្រិតគួរឱ្យព្រួយបារម្ភ ឯក្រុមនិយោជក និងសមាគមពាណិជ្ជកម្មធំៗបែរជាកំពុងស្រែកឃ្លានពលករចំណាកស្រុកបន្ថែមទៀត។ បញ្ហានេះកាន់តែស្មុគស្មាញ បន្ទាប់ពីភាពតានតឹងនៅតាមព្រំដែនជាមួយកម្ពុជាបានរឹតបន្តឹង និងបង្កការរាំងស្ទះយ៉ាងធ្ងន់ធ្ងរដល់ប្រភពផ្គត់ផ្គង់កម្លាំងពលករចំណាកស្រុកដែលជាឆ្អឹងខ្នងនៃសេដ្ឋកិច្ចថៃ។