សហភាពអឺរ៉ុបដាក់សម្ពាធលើអង់គ្លេសជុំវិញរថយន្តចិន ខណៈច្បាប់ផលិតនៅអឺរ៉ុបកាន់តែតឹងរ៉ឹង

យោងតាមការចុះផ្សាយរបស់សារព័ត៌មាន Financial Times បានឱ្យដឹងថា មន្ត្រីសហភាពអឺរ៉ុបបានប្រាប់នាយករដ្ឋមន្ត្រីអង់គ្លេសលោក Andy Burnham ថា អង់គ្លេស គួរដំឡើងពន្ធលើរថយន្តចិន និងតម្រឹមគោលនយោបាយពាណិជ្ជកម្មឱ្យកាន់តែស្របជាមួយសហភាពអឺរ៉ុប។ ទីក្រុងព្រុចសែល ព្រួយបារម្ភថា បណ្ដាក្រុមហ៊ុនចិនអាចនឹងប្រើប្រទេសអង់គ្លេសធ្វើជាផ្លូវឆ្លងកាត់ ដើម្បីគេចពន្ធរបស់សហភាពអឺរ៉ុប។ ជាមួយគ្នានេះ សហភាពអឺរ៉ុបកំពុងរៀបចំច្បាប់ផលិតនៅអឺរ៉ុប ដើម្បីផ្តល់អាទិភាពដល់ក្រុមហ៊ុនអឺរ៉ុបក្នុងវិស័យដូចជារថយន្តអគ្គិសនី និងបច្ចេកវិទ្យាថាមពលស្អាត ព្រមទាំងកាត់បន្ថយការពឹងផ្អែកលើចិន។
បារាំងចង់ឱ្យច្បាប់នេះផ្តោតលើប្រទេសសមាជិកសហភាពអឺរ៉ុប ខណៈអាល្លឺម៉ង់ ដែលមានសេដ្ឋកិច្ចធំបំផុតនៅអឺរ៉ុប និងប្រទេសមួយចំនួននៅអឺរ៉ុបខាងជើងគាំទ្រការរួមបញ្ចូលដៃគូដូចជាអង់គ្លេស ជប៉ុន និងកាណាដា។ រដ្ឋាភិបាលអង់គ្លេសនិយាយថា ខ្លួននឹងបន្តពិភាក្សាជាមួយសហភាពអឺរ៉ុបលើច្បាប់នេះដែលអាចក្លាយជាបញ្ហាសំខាន់ក្នុងទំនាក់ទំនងពាណិជ្ជកម្មរបស់ភាគីទាំងពីរ៕

ដោយ: តែម សុខុម