សង្គ្រាមអ៊ីរ៉ង់ រាលដាលកាន់តែធំឈានដល់សមុទ្រក្រហម និងសមុទ្រកាសព្យែន ខណៈអាម៉េរិក ផ្អាកការវាយប្រហារ
សង្គ្រាមនៅតំបន់មជ្ឈិមបូព៌ា កំពុងឈានចូលដំណាក់កាលថ្មី ដែលកាន់តែគ្រោះថ្នាក់គួរឱ្យបារម្ភ។ ទោះបីជាសហរដ្ឋអាម៉េរិក បានផ្អាកការវាយប្រហារលើអ៊ីរ…
ក្រសួងប្រេងអ៊ីរ៉ង់ បានប្រកាសក្ដែងៗថា ខ្លួនលក់ប្រេងបានរហូតដល់ទៅជាង១១ពាន់លានដុល្លារ អំឡុងពេលសង្គ្រាម និងជិត៧ពាន់លានដុល្លារផ្សេងទៀតអំឡុងពេលអនុវត្តបទឈប់បាញ់ ដែលក្រោយមកបានដួលរលំនៅដើមខែកក្កដា កន្លងទៅ។ ក្រសួងនេះបានបញ្ជាក់ថា ប្រាក់ចំណូលនេះស្មើនឹងជាង៦០% នៃចំណូលបានពីការលក់ប្រេង ដែលរដ្ឋាភិបាលគ្រោងទុកប្រចាំឆ្នាំ ទោះបីជាប្រទេសនេះកំពុងស្ថិតក្នុងវិបត្តិសង្គ្រាមក៏ដោយ។
ទោះជាយ៉ាងណាការអះអាងនេះ ផ្ទុយពីការលើកឡើងរបស់ប្រធានរដ្ឋសភា និងជាប្រធានអ្នកចរចាអ៊ីរ៉ង់លោក មហាម៉ាត់ បាហ្គើ ហ្គាលីបាហ្វ (Mohammad Bagher Ghalibaf) ដែលធ្លាប់និយាយកាលពីចុងខែមិថុនា ថា អ៊ីរ៉ង់ មិនអាចនាំចេញប្រេងបានឡើយដោយសារការបិទផ្លូវចេញចូលកំពង់ផែពីសំណាក់សហរដ្ឋអាម៉េរិក។
គួររំឭកថា សង្គ្រាមអ៊ីរ៉ង់ បានផ្ទុះឡើងនៅថ្ងៃទី២៨ ខែកុម្ភៈ ឆ្នាំ២០២៦ បន្ទាប់ពីការវាយប្រហារដោយសហរដ្ឋអាម៉េរិក និងអ៊ីស្រាអែលទៅលើអ៊ីរ៉ង់ ហើយទីក្រុងតេអេរ៉ង់ បានបើកការវាយបកទៅលើបណ្ដាប្រទេសជាសម្ពន្ធមិត្តរបស់សហរដ្ឋអាម៉េរិក នៅទូទាំងតំបន់មជ្ឈិមបូព៌ា។ ភាគីទាំងពីរបានឈប់បាញ់គ្នានៅខែមេសា ប៉ុន្តែការប្រយុទ្ធបានផ្ទុះឡើងវិញនៅដើមខែកក្កដា ដោយផ្តោតលើការដណ្ដើមគ្នាគ្រប់គ្រងច្រកសមុទ្រហ័រម៉ូស ដែលជាផ្លូវដឹកជញ្ជូនប្រេងដ៏សំខាន់បំផុតមួយរបស់ពិភពលោក៕
ដោយ: តែម សុខុម
