សមត្ថភាពកែច្នៃក្នុងស្រុកនៅមានកម្រិតធ្វើឱ្យលំហូរចេញគ្រាប់ស្វាយចន្ទីឆៅទៅក្រៅប្រទេសកើនឡើងខ្លាំងនៅ៤ខែឆ្នាំនេះ
នៅក្នុងរយៈពេល៤ខែ ឆ្នាំ២០២៦ កម្ពុជា បាននាំចេញគ្រាប់ស្វាយចន្ទីឆៅសរុបប្រមាណ ៨៣ម៉ឺន១ពាន់តោនទៅកាន់ប្រទេសវៀតណាម ដោយរកចំណូលជាង១,៤ពាន់លានដុល្…
បំណុលជាតិរបស់សហរដ្ឋអាម៉េរិក បានកើនឡើងខ្លាំងដោយសារតែការចំណាយយ៉ាងសម្បើមរបស់រដ្ឋាភិបាលអាម៉េរិក អស់រយៈពេលជាច្រើនឆ្នាំមកនេះ ព្រមទាំងការបញ្ចុះពន្ធគយ ការឡើងថ្លៃថែទាំសុខភាព និងសោធននិវត្តន៍ វិបត្តិសេដ្ឋកិច្ចនានាដូចជាកូវីដ-១៩ និងការកើនឡើងនៃការទូទាត់ការប្រាក់លើបំណុលជាតិ ដែលមានស្រាប់ជាដើម។ ក្រុមអ្នកជំនាញសេដ្ឋកិច្ចបានព្រមានថា សហរដ្ឋអាម៉េរិក កំពុងចំណាយកាន់តែច្រើនឡើងៗដើម្បីទូទាត់ការប្រាក់លើបំណុលរបស់ខ្លួន ដោយគ្រាន់តែបង់ការប្រាក់ពេលនេះ គឺច្រើនជាងទំហំថវិកាការពារជាតិទៅទៀត។ បំណុលកាន់តែខ្ពស់ ក៏កំពុងជំរុញឱ្យផលបត្ររតនាគារអាម៉េរិក និងអត្រាការប្រាក់លើកម្ចីឥណទានទិញផ្ទះកើនឡើងផងដែរ។
ទោះបីជាសេដ្ឋកិច្ចសហរដ្ឋអាម៉េរិក មិនទាន់ដួលរលំក៏ដោយ ក៏ក្រុមអ្នកជំនាញសេដ្ឋកិច្ចនិយាយថា ផ្លូវដែលរដ្ឋាភិបាលអាម៉េរិក ដើរនាពេលបច្ចុប្បន្នគ្មាននិរន្តរភាពនោះឡើយ។ អ្នកជំនាញសេដ្ឋកិច្ចខ្លះប្រៀបធៀបស្ថានភាពនេះទៅនឹងប្រទេសជប៉ុន ដែលមានបំណុលខ្ពស់ជាងនេះទៅទៀត ប៉ុន្តែបានកត់សម្គាល់ថា ប្រទេសជប៉ុន ភាគច្រើនខ្ចីប្រាក់ពីពលរដ្ឋរបស់ខ្លួន ខណៈដែលសហរដ្ឋអាម៉េរិក ពឹងផ្អែកយ៉ាងខ្លាំងទៅលើវិនិយោគិនបរទេស។
ទោះបីជាមជ្ឈដ្ឋានសាធារណជនមានការព្រួយបារម្ភកាន់តែខ្លាំងឡើងយ៉ាងណាក៏ដោយ ក៏ទីក្រុងវ៉ាស៊ីនតោន បានចាត់វិធានការតិចតួចប៉ុណ្ណោះ ព្រោះការដោះស្រាយបញ្ហានេះទំនងជាត្រូវការការកាត់បន្ថយការចំណាយ ឬត្រូវដំឡើងពន្ធ ដែលនឹងជះផលប៉ះពាល់ខ្លាំង។ ក្រុមអ្នកជំនាញសេដ្ឋកិច្ចព្រមានថា ប្រសិនបើបំណុលនៅតែបន្តកើនឡើង សហរដ្ឋអាម៉េរិក អាចប្រឈមកំណើនសេដ្ឋកិច្ចយឺត និងសមត្ថភាពតិចជាងមុនក្នុងការឆ្លើយតបទៅនឹងវិបត្តិនាពេលអនាគត៕
ដោយ: តែម សុខុម
