#វិស័យកសិកម្ម

បណ្តាប្រទេសនៅអាស៊ីអាគ្នេយ៍កំពុងត្រៀមខ្លួនទទួលរងឥទ្ធិពលនៃបាតុភូតអាកាសធាតុ អែលនីណូ ដែលអាចបង្កឱ្យមានអាកាសធាតុក្តៅខ្លាំង និងភ្លៀងធ្លាក់តិចជាងធម្មតាក្នុងរយៈពេលប៉ុន្មានខែខាងមុខ។ អង្គការឧតុនិយមពិភពលោក បានព្រមានថា ស្ថានភាពបាតុភូត អែលនីណូ អាចចាប់ផ្តើមមុនខែសីហា និងអាចបន្តរហូតដល់ខែវិច្ឆិកា។ ស្ថានភាពនេះអាចធ្វើឱ្យភ្លៀងមូសុងធ្លាក់មិនទៀងទាត់ក្នុងរដូវវស្សា ខណៈប្រទេសក្នុងតំបន់ដូចជា កម្ពុជា ថៃ វៀតណាម ឥណ្ឌូនេស៊ី និងហ្វីលីពីន ត្រូវការទឹកសម្រាប់កសិកម្ម ជាពិសេសការដាំស្រូវ។ នេះបើយោងតាមការចុះផ្សាយរបស់សារព័ត៌មាន DW។