Latest

ជម្លោះព្រំដែនបង្កឡើងដោយប្រទេសថៃបានបង្កផលប៉ះពាល់ដល់សេដ្ឋកិច្ច និងជីវភាពរបស់ពលរដ្ឋខ្មែរជាច្រើនដែលរស់នៅតាមបណ្ដាខេត្តជាប់ព្រំដែន​ ហើយក្នុងចំណោមពលរដ្ឋទាំងនោះ ក៏មានអ្នកកំពុងប្រើប្រាស់ឥណទានរបស់គ្រឹះស្ថានធនាគារ និងមីក្រូហិរញ្ញវត្ថុផងដែរ​។ បន្ទាប់ពីធនាគារជាតិនៃកម្ពុជាបានប្រកាសបិទបញ្ចប់វិធានការសម្រាលបន្ទុកបណ្តោះអាសន្នលើការរៀបចំឥណទានឡើងវិញ សំណួរសំខាន់មួយបានចោទឡើងជុំវិញស្ថានភាពហិរញ្ញវត្ថុ និងសមត្ថភាពសងត្រឡប់របស់ប្រជាពលរដ្ឋនៅតាមបណ្តាខេដ្ឋជាប់ព្រំដែន ដែលធ្លាប់រងផលប៉ះពាល់ដោយសារជម្លោះព្រំដែនកន្លងមក។