ព័ត៌មាន

ចំណាត់ការជាបន្តបន្ទាប់របស់មហាយក្សចិន ក្នុងការបញ្ឈប់វិបត្តិអចលនទ្រព្យក្នុងប្រទេសដែលមានសេដ្ឋកិច្ចធំបំផុតទី២របស់ពិភពលោកមួយនេះ ដើម្បីបញ្ចៀសការផ្ទុះវិបត្តិដ៏គ្រោះថ្នាក់ក្នុងប្រព័ន្ធហិរញ្ញវត្ថុចិន បានជួយជំរុញឱ្យភាគហ៊ុនរបស់បណ្តាធនាគារចិន ហក់ឡើង។ ទោះជាយ៉ាងណា ភាគហ៊ុនអចលនទ្រព្យចិន នៅតែធ្លាក់ចុះនៅឡើយ ហើយបណ្ដាវិនិយោគិនលើកឡើងថា ពួកគេមើលមិនទាន់ឃើញសញ្ញាដែលបង្ហាញថា ទីផ្សារអចលនទ្រព្យចិន មានស្ថិរភាពឡើងវិញនៅឡើយទេ ហើយក៏មើលមិនឃើញថា ការដាំក្បាលចុះនៃវិស័យនេះនឹងបញ្ចប់នៅពេលណានោះដែរ។