វិស័យការបរទេស

តើមហាយក្សចិន កំពុងពង្រីកឥទ្ធិពលយោធានៅអាស៊ីអាគ្នេយ៍ ឬយ៉ាងណា ខណៈកម្ពុជា និងឡាវ ក្លាយជាចំណុចយុទ្ធសាស្ត្រដ៏សំខាន់?


មហាយក្សចិន កំពុងបោះជំហានពង្រីកឥទ្ធិពលយោធានៅអាស៊ីអាគ្នេយ៍ ដែលបង្កការព្រួយបារម្ភកាន់តែខ្លាំងឡើងថា មហិច្ឆតារបស់ក្រុងប៉េកាំង មិនត្រឹមតែស្ថិតក្នុងវិស័យពាណិជ្ជកម្ម និងការវិនិយោគប៉ុណ្ណោះទេ ប៉ុន្តែក៏កំពុងឈានទៅដល់វិស័យយោធាផងដែរ។ ការបង្កើតមជ្ឈមណ្ឌលយោធាថ្មីនៅឡាវ និងអ្វីដែលសារព័ត៌មានអន្តរជាតិ លើកឡើងថា ជាការពង្រីកវត្តមាននៅមូលដ្ឋានកងទ័ពជើងទឹករាម នៅកម្ពុជា កំពុងធ្វើឱ្យបណ្ដាប្រទេសជិតខាងចាប់អារម្មណ៍ និងតាមដានយ៉ាងយកចិត្តទុកដាក់។ នេះបើយោងតាមអត្ថបទវិភាគរបស់សារព័ត៌មាន DW ចុះផ្សាយនៅថ្ងៃទី១៤ ខែវិច្ឆិកា។
ចិន_ពង្រីកឥទ្ធិពលយោធានៅអាស៊ីអាគ្នេយ៍
ដោយ

ថ្មីៗនេះ ប្រទេសចិន និងឡាវ បានបើកដំណើរការមជ្ឈមណ្ឌលគាំទ្រ និងបណ្តុះបណ្តាលយោធារួមគ្នានៅជិតរដ្ឋធានីវៀងចន្ទន៍។ ដំណាក់កាលដំបូង មជ្ឈមណ្ឌលនេះនឹងត្រូវប្រើប្រាស់សម្រាប់បណ្តុះបណ្តាលអ្នកបើកយន្តហោះកងទ័ពអាកាសឡាវ។

បើតាម DW ប្រទេសចិនក៏បានជួយពង្រីកមូលដ្ឋានកងទ័ពជើងទឹករាមរបស់កម្ពុជា ដោយប្រើប្រាស់ទីតាំងនេះសម្រាប់ការផ្គត់ផ្គង់សម្ភារៈ និងការបណ្តុះបណ្តាលយោធា។ អ្នកវិភាគយល់ថា ការវិវឌ្ឍទាំងនេះអាចជួយឱ្យចិនពង្រីកលទ្ធភាពចូលប្រើប្រាស់ទីតាំងយោធានៅតំបន់ដីគោកអាស៊ីអាគ្នេយ៍ និងបង្កើនសមត្ថភាពប្រតិបត្តិការនៅសមុទ្រចិនខាងត្បូង។ ទោះជាយ៉ាងណា មិនទាន់មានភស្តុតាងច្បាស់លាស់ណាមួយបង្ហាញថា ចិនមានសិទ្ធិដាក់ពង្រាយកងកម្លាំងរបស់ខ្លួនដោយសេរីនៅមូលដ្ឋានទាំងនេះនៅឡើយទេ។ ចំណុចសំខាន់គឺថា តើចិនត្រូវសុំការអនុញ្ញាតពីរដ្ឋាភិបាលជាម្ចាស់ផ្ទះរាល់ពេលប្រើប្រាស់ទីតាំងយោធា ឬក៏មានកិច្ចព្រមព្រៀងផ្តល់សិទ្ធិប្រើប្រាស់រយៈពេលវែង។

ខណៈកម្ពុជា និងឡាវមានទំនាក់ទំនងយោធាជិតស្និទ្ធជាមួយចិន វៀតណាម និងហ្វីលីពីនកំពុងតាមដានយ៉ាងប្រុងប្រយ័ត្ន ដោយសារប្រទេសទាំងពីរមានជម្លោះដែនទឹកជាមួយទីក្រុងប៉េកាំង។ ចំណែកប្រទេសអាស៊ីអាគ្នេយ៍ផ្សេងទៀតកំពុងព្យាយាមរក្សាតុល្យភាពទំនាក់ទំនងទាំងជាមួយចិន និងសហរដ្ឋអាម៉េរិក ដោយមិនចង់ជ្រើសរើសភាគីណាមួយឡើយ។

អ្នកវិភាគព្រមានថា ចិនកំពុងពង្រីកសមត្ថភាពប្រតិបត្តិការយោធាជាបន្តបន្ទាប់ ប៉ុន្តែការសន្និដ្ឋានថា ចិនកំពុងបង្កើតសម្ព័ន្ធភាពយោធាដ៏ធំមួយនៅអាស៊ីអាគ្នេយ៍ គឺនៅមិនទាន់ដល់ពេលនៅឡើយទេ៕




អត្ថបទបន្ទាប់


អាស៊ាន បោះជំហានថ្មីលើសេដ្ឋកិច្ចឌីជីថល ខណៈបញ្ហាសន្តិសុខក្នុងតំបន់នៅតែជាបញ្ហាប្រឈម

អំឡុងពេលនៃកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធចាប់ផ្តើមនៅទីក្រុងម៉ានីល ប្រទេសហ្វីលីពីន ចាប់ពីថ្ងៃទី ១៥ ដល់ថ្ងៃទី ១៧ ខែវិច្ឆិកា…

មេដឹកនាំវៀតណាម សម្លឹងរកឱកាសពាណិជ្ជកម្ម និងវិនិយោគថ្មីៗតាមរយៈកិច្ចប្រជុំសហគមន៍អ្នកនិយាយភាសាបារាំង "ហ្វ្រង់កូហ្វូនី" លើកទី២០ នៅកម្ពុជា

វៀតណាម កំពុងរំពឹងខ្ពស់ថា ដំណើរទស្សនកិច្ចរបស់លោក តូ ឡឹម ប្រធានរដ្ឋ និងជាអគ្គលេខាធិការបក្សកុម្មុយនីស្តវៀតណាម មកកាន់កម្ពុជា កំពុងបើកឱកាសថ្…
More

Related Stories


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ