​ ខេមបូណូមីស

ក្រោយកម្ពុជាមានជម្លោះព្រំដែនជាមួយថៃ គេសង្កេតឃើញភាគីថៃ តែងតែធ្វើសកម្មភាពបង្កបញ្ហាលើកម្ពុជា ជាបន្តបន្ទាប់ដូចជាក្រុមទាហានថៃ ដើរល្បាតចូលទឹកដីកម្ពុជា ការបង្ហោះដ្រូន ការហាមពលរដ្ឋខ្មែរមិនឱ្យបង់កក្រមាមានប៉ាក់រូបទង់ជាតិខ្មែរថតនៅប្រាសាទតាក្របី និងប្រើហិង្សាលើកងទ័ពខ្មែរឈរជើងនៅប្រសាទតាមាន់ធំជាដើម។សកម្មភាពទាំងអស់នេះបានធ្វើឱ្យពលរដ្ឋកម្ពុជា មានការខឹងសម្បារយ៉ាងខ្លាំង។ អ្នកជំនាញ និងអ្នកតាមដានស្ថានការណ៍សង្គមបានចាត់ទុកទង្វើបង្ករឿងរបស់ទាហាននិងពលរដ្ឋថៃ មកលើកម្ពុជានេះ គឺមានចេតនារំខានដល់ភាពអត់ធ្មត់របស់កម្លាំងកម្ពុជា។